Almatyda "Qazaqstan" telearnasynyń ǵimaraty cúriledi. Onyń ornyna telearnanyń jańa ǵimaraty turǵyzylady, - dep habarlaidy Tengrinews.kz.
Eske salaiyq, 5 qańtardaǵy tártipsizdik barysynda Almatydaǵy Qazaqstan jáne "Habar" arnalarynyń keńselerine shabýyl jasalǵan bolatyn. Ǵimarat órtenip, ol birneshe kúnge sozylǵan edi. Qańtardyń ortasynda "Qazaqstan" RTRK" AQ Almaty filialynyń direktory Sáýle Jirenshina tarihi ǵimaratty 4-5 ai ishinde qalpyna keltirýge bolatynyna úmittenetinin aitty. Alaida almatylyqtar Jeltoqsan kóshesindegi bul ǵimaratta bólshekteý jumystary júrgizilip jatqanyn baiqaǵan edi.
Telekompaniia filialynyń direktory órt saldarynan jekelegen bólikterdiń konstrýktsiialary búlingenin aitty. Olardyń júk kóterý qabileti 3-sanatqa deiin tómendegen, iaǵni ǵimaratty qalpyna keltirý quny nysannyń naryqtaǵy qunynyń 85 paiyzynan asatyn bolyp shyqqan.
"Mamandar muqiiat teksergennen keiin ǵimarat QR SP 2.03-30-2017 "seismikalyq aimaqtardaǵy qurylys" boiynsha talaptarǵa sai kelmeitini anyqtaldy. Sondyqtan ony súrip, jańa ǵimarat salý týraly sheshim qabyldandy. Qazir apattyń saldaryn joiý, sondai-aq, jańa ǵimarat salý boiynsha jobalyq-smetalyq qujattamasyn ázirleý jumystary júrgizilip jatyr", - dedi Sáýle Jirenshina.
Onyń aitýynsha, zardap shekken ǵimarattyń ornynda Qazaqstan jańa teleortalyǵy salynady. Ǵimarat zamanaýi media nysandarǵa qoiylatyn sońǵy talaptardy eskerile otyryp salynady. Onda zamanaýi jabdyqtar ornatylǵan stýdiialar bolady.
Sáýlet turǵysynan jańa ǵimarat burynǵydan ózgeshe bolady jáne "joǵary tehnologiialyq" stil elementteri boiynsha jasalady. Jirenshinanyń aitýynsha, ǵimarat qala ortalyǵynyń kelbetin buzbaidy. Filialda Qazaqstan, Qazsport, ABAI TV, Balapan siiaqty 4 arnanyń keńseleri men stýdiialary ornalasady.
"Qazaqstan" AQ filialynyń direktory jumysty aiaqtaý merzimi áli belgisiz ekenin, biraq qurylysqa bir jarym jyldan eki jylǵa deiin ýaqyt ketýi múmkin ekenin atap ótti. Jumystar respýblikalyq biýdjetten qarjylandyrylady.
