الماتىدا "قازاقستان" تەلەارناسىنىڭ عيماراتى cٷرٸلەدٸ. ونىڭ ورنىنا تەلەارنانىڭ جاڭا عيماراتى تۇرعىزىلادى, - دەپ حابارلايدى Tengrinews.kz.
ەسكە سالايىق, 5 قاڭتارداعى تەرتٸپسٸزدٸك بارىسىندا الماتىداعى Qazaqstan جەنە "حابار" ارنالارىنىڭ كەڭسەلەرٸنە شابۋىل جاسالعان بولاتىن. عيمارات ٶرتەنٸپ, ول بٸرنەشە كٷنگە سوزىلعان ەدٸ. قاڭتاردىڭ ورتاسىندا "قازاقستان" رترك" اق الماتى فيليالىنىڭ ديرەكتورى سەۋلە جيرەنشينا تاريحي عيماراتتى 4-5 اي ٸشٸندە قالپىنا كەلتٸرۋگە بولاتىنىنا ٷمٸتتەنەتٸنٸن ايتتى. الايدا الماتىلىقتار جەلتوقسان كٶشەسٸندەگٸ بۇل عيماراتتا بٶلشەكتەۋ جۇمىستارى جٷرگٸزٸلٸپ جاتقانىن بايقاعان ەدٸ.
تەلەكومپانييا فيليالىنىڭ ديرەكتورى ٶرت سالدارىنان جەكەلەگەن بٶلٸكتەردٸڭ كونسترۋكتسييالارى بٷلٸنگەنٸن ايتتى. ولاردىڭ جٷك كٶتەرۋ قابٸلەتٸ 3-ساناتقا دەيٸن تٶمەندەگەن, ياعني عيماراتتى قالپىنا كەلتٸرۋ قۇنى نىساننىڭ نارىقتاعى قۇنىنىڭ 85 پايىزىنان اساتىن بولىپ شىققان.
"ماماندار مۇقييات تەكسەرگەننەن كەيٸن عيمارات قر سپ 2.03-30-2017 "سەيسميكالىق ايماقتارداعى قۇرىلىس" بويىنشا تالاپتارعا ساي كەلمەيتٸنٸ انىقتالدى. سوندىقتان ونى سٷرٸپ, جاڭا عيمارات سالۋ تۋرالى شەشٸم قابىلداندى. قازٸر اپاتتىڭ سالدارىن جويۋ, سونداي-اق, جاڭا عيمارات سالۋ بويىنشا جوبالىق-سمەتالىق قۇجاتتاماسىن ەزٸرلەۋ جۇمىستارى جٷرگٸزٸلٸپ جاتىر", - دەدٸ سەۋلە جيرەنشينا.
ونىڭ ايتۋىنشا, زارداپ شەككەن عيماراتتىڭ ورنىندا Qazaqstan جاڭا تەلەورتالىعى سالىنادى. عيمارات زاماناۋي مەديا نىساندارعا قويىلاتىن سوڭعى تالاپتاردى ەسكەرٸلە وتىرىپ سالىنادى. وندا زاماناۋي جابدىقتار ورناتىلعان ستۋدييالار بولادى.
سەۋلەت تۇرعىسىنان جاڭا عيمارات بۇرىنعىدان ٶزگەشە بولادى جەنە "جوعارى تەحنولوگييالىق" ستيل ەلەمەنتتەرٸ بويىنشا جاسالادى. جيرەنشينانىڭ ايتۋىنشا, عيمارات قالا ورتالىعىنىڭ كەلبەتٸن بۇزبايدى. فيليالدا Qazaqstan, Qazsport, ABAI TV, Balapan سيياقتى 4 ارنانىڭ كەڭسەلەرٸ مەن ستۋدييالارى ورنالاسادى.
"قازاقستان" اق فيليالىنىڭ ديرەكتورى جۇمىستى اياقتاۋ مەرزٸمٸ ەلٸ بەلگٸسٸز ەكەنٸن, بٸراق قۇرىلىسقا بٸر جارىم جىلدان ەكٸ جىلعا دەيٸن ۋاقىت كەتۋٸ مٷمكٸن ەكەنٸن اتاپ ٶتتٸ. جۇمىستار رەسپۋبليكالىق بيۋدجەتتەن قارجىلاندىرىلادى.
