Foto: «Pediatriia jáne balalar hirýrgiiasy ǵylymi ortalyǵy» baspasóz qyzmeti
2024 jyldyń 17-18 qazan kúnderi aralyǵynda «Pediatriia jáne balalar hirýrgiiasynyń jetistikteri men damý bolashaǵy» atty Almatyda Qazaqstan balalar dárigerleriniń H Sezi jáne «Jas zertteýshi: zamanaýi pediatriia jáne balalar hirýrgiiasynyń syn-tegeýrinderi men damý bolashaǵy» atty jas ǵalymdardyń halyqaralyq ǵylymi-tájiribelik konferentsiiasy ótti.
Tórt jylda bir ret ótkiziletin shara biyl 4500-den asa balalar dárigerleriniń basyn qosty. Sharanyń basty maqsaty - elimizdegi pediatriialyq qyzmettiń jetistikteri men damý bolashaǵyn saralaý, pediatriia jáne balalar hirýrgiiasy salasyndaǵy ózekti máselelerdi kóterý, sheshý joldaryn qarastyrý, jas ǵalymdardyń ǵylymi áleýetin arttyrý, pediatriia jáne balalar hirýrgiiasy salasyndaǵy innovatsiialar boiynsha jas ǵalymdar arasynda tyǵyz halyqaralyq qarym-qatynasty ornatý, jas mamandardy ǵylymmen ainalysýǵa shaqyrý.
QR Densaýlyq saqtaý ministrligi, Pediatriia jáne balalar hirýrgiiasy ǵylymi ortalyǵy, «Pediatrlar Odaǵy» qoǵamdyq birlestigi men S.J.Asfendiiarov atyndaǵy Qazaq ulttyq meditsina ýniversitetiniń uiymdastyrýymen ótken Qazaqstan balalar dárigerleriniń H sezine Italiia, Polsha, Qyrǵyzstan, Ózbekstan, Tájikistan, Ázirbaijan, Resei, Belarýs jáne t.b. alys jáne jaqyn shetelderden pediatriia jáne balalar hirýrgiiasy salasynyń jetekshi ǵalymdary men sarapshylary, sonymen qatar elimizdiń ár óńirinen túrli beiindegi pediatrlar men balalar hirýrg-dárigerleri qatysty. Basqosý offlain jáne onlain túrinde ótti.
Mereitoilyq alqaly basqosýdyń ashylý saltanaty Qazaqstan Respýblikasynyń Densaýlyq saqtaý ministri Aqmaral Álnazarovanyń, Ana men bala densaýlyǵyn qorǵaý departamentiniń direktory Maǵripa Embergenovanyń, S.J.Asfendiiarov atyndaǵy Qazaq ulttyq meditsina ýniversitetiniń ókili, klinikalyq blok boiynsha prorektory Svetlana Sultanǵazievanyń jáne Pediatriia jáne balalar hirýrgiiasy ǵylymi ortalyǵynyń Basqarma tóraǵasy Abai Qusaiynovtyń alǵy quttyqtaý sózimen ashyldy.
- «Búgin Qazaqstan balalar dárigerleriniń alǵashqy seziniń ótkenine – 50 jyl. 1974 jyly alǵashqy balalar dárigerleriniń birinshi sezi ótti. Búgingi tańda osy atalǵan sátten estelik retinde tek qana fotosýret saqtalǵan, biraq sezdiń rýhy, onyń qaǵidattary men mindetteri ózgerissiz qaldy. Búgin bul zalǵa jinalǵan barlyq dárigerlerdi bir maqsat biriktiredi – ol elimizdiń eń kishkentai azamattarynyń densaýlyǵyn saqtaý men jaqsartý, óitkeni elimizdiń bolashaǵy bizdiń balalarymyzdyń densaýlyǵyna bailanysty. Búgingi mereitoilyq shara 500-den astam balalar dárigerleriniń basyn qosty, taǵy 3000-nan astam dáriger bizdi búgin onlain tyńdap otyr. Zalda óz jumysynyń nátijelerimen bólisýge daiyn sheteldik áriptesterimizdi de kórý erekshe qýantady. Pediatriialyq qyzmettiń bolashaǵy turǵysynan aǵa býyn áriptesterinen bilim alyp, tájiribe jinaityn jáne óz tájiribelerin jetildiretin kóptegen jas mamandar jigerlendiredi. Sezd qorytyndysy boiynsha qabyldanǵan qarar elimizdiń pediatriialyq qyzmetin odan ári damytýǵa jańa serpin beredi dep senemin!», dep atap ótti alǵy sózinde Pediatriia jáne balalar hirýrgiiasy ǵylymi ortalyǵynyń Basqarma tóraǵasy Abai Qusaiynov. A.Z.Qusaiynov sonymen qatar, arnaiy baiandama jasap, Qazaqstan Respýblikasyndaǵy pediatriialyq qyzmettiń búgingi jaǵdaiymen bólisti.
Óziniń quttyqtaý sózinde Densaýlyq saqtaý ministri Aqmaral Álnazarova Densaýlyq saqtaý ministrliginiń balalarǵa meditsinalyq kómek kórsetý sapasyn arttyrýǵa baǵyttalǵan birqatar mańyzdy bastamalaryn atap ótti.
- «Ana men bala densaýlyǵyn qorǵaý memleket pen Qazaqstannyń densaýlyq saqtaý júiesiniń basym mindetteriniń biri bolyp tabylady. Eldiń bolashaǵy — jas urpaqtyń densaýlyǵyna bailanysty. Sońǵy 10 jylda elimizde balalar ólim-jitim kórsetkishi azaiyp keledi. Dene salmaǵy óte tómen balalardyń ómir súrý deńgeii 4 esege artty. Bul elimizdegi 5000-nan asa pediatr dárigerleriniń kúndelikti jankeshti eńbekteriniń nátijesi, sondai-aq, tiimdi perinataldyq tehnologiialardy engizýdiń, DDU usynǵan qaýipsiz ana bolý qaǵidattarynyń, neonataldy reanimatsiiany damytýdyń, az invazivti tehnologiialardy engizýdiń, joǵary tehnologiialyq meditsinalyq kómektiń jáne balalar kardiohirýrgiiasy men balalar neirohirýrgiialyq kómegin damytýdyń arqasynda múmkin boldy», - dedi QR Densaýlyq saqtaý ministri A.Álnazarova.
Elimizdiń jáne shet eldiń balalar dárigerleriniń basyn qosqan sezdiń bedeldi alańynda balalardaǵy aýrýlardy emdeý men diagnostikalaýdyń zamanaýi ádisteri, balalar hirýrgiiasyndaǵy ózekti máseleleri, pediatriia jáne balalar hirýrgiiasyn damytýdyń ǵylymi jáne praktikalyq aspektileri, pediatriialyq kadrlardy daiarlaý máselesi, balalardaǵy onkologiialyq jáne gematologiialyq aýrýlardy diagnostikalaý men emdeýdiń zamanaýi tehnologiialary, sirek kezdesetin aýrýlardy erte diagnostikalaý, emdeý, ońaltý, asqynýlardyń aldyn alý jáne tirkeý máseleleri jáne t.b. pediatriia jáne hirýrgiia salasyna qatysty ózekti máseleler talqylanyp, ǵylymi jobalar usynyldy jáne praktikadaǵy erekshe klinikalyq jaǵdailar ortaǵa salyndy. 12 ǵylymi sessiiada barlyǵy 121-den astam baiandamalar tyńdaldy. Baiandamalardyń taqyryptar aýqymy keń. Balalarǵa meditsinalyq kómek kórsetýdi uiymdastyrý aspektileri men alǵashqy meditsinalyq-áleýmettik kómek deńgeiinde balalarǵa meditsinalyq qyzmet kórsetýdi jaqsartý máselelerinen bastap, balalardaǵy aýrýlardy diagnostikalaý men emdeýdiń zamanaýi ádisterine deiin qamtidy.
Sezd aiasynda 18 qazan kúni doktoranttarǵa, magistranttar men rezidentterge arnalǵan «Jas zertteýshi: zamanaýi pediatriia jáne balalar hirýrgiiasynyń syn-tegeýrinderi men damý bolashaǵy» atty jas ǵalymdardyń halyqaralyq ǵylymi-tájiribelik konferentsiiasy ótti.
Jas ǵalymdardyń ǵylymi áleýetin arttyrý, densaýlyq saqtaýdy damytýdyń memlekettik baǵdarlamasyn júzege asyrýda jas dárigerlerdiń rólin arttyrý maqsatynda konferentsiiada elimizdiń jáne shet elderdiń JOO men ǵylymi-zertteý institýttarynda rezidentýrada, magistratýrada jáne PhD doktorantýrada oqityn jas ǵalymdardyń jariialanymdary, aýyzsha jáne posterlik baiandamalary usynyldy. Ǵylymi jobalardy pediatriia jáne hirýrgiia salasynyń bilikti mamandarynan quralǵan qazylar alqasy saralady. Ǵylymi konferentsiiaǵa usynylǵan baiandamalar úsh atalym boiynsha anyqtalyp, arnaiy diplomdarmen marapattaldy. Atap óte keteiik, biyl otandyq pediatriianyń korifeileri: akademik Mashkeev Áýken Qiiasuly men balalar onkogematologiia qyzmetiniń negizin qalaýshy Kúlán Omarqyzy atyndaǵy arnaiy syilyq taǵaiyndaldy.
Shara aiasynda úsh sheberlik sabaq: «Pediatriialyq tájiribedegi kapsýlalyq endoskopiia», «Leikemiiany diagnostikalaýdaǵy MRD PCR real time róli. Zertteý nátijelerin túsindirý» jáne «Balalar men jas eresekterdegi gematologiialyq aýrýlardyń morfologiialyq diagnostikasy», sonymen qatar «Qysqa ishek sindromy, terapiia jáne dinamikalyq baqylaý máseleleri» taqyrybynda dóńgelek ústeli (18 qazan kúni) ótti.
Aitýly shara balalarǵa meditsinalyq kómek kórsetý júiesin jetildirýge, pediatriialyq kómekti odan ári damytýǵa jańa qýatty serpin beretinine senimdimiz.
Sezd sońynda arnaiy rezoliýtsiia shyǵarylyp, pediatriia salasynyń negizgi máseleleri naqtylanyp, damý bolashaǵy aiqyndaldy.
«Pediatriia jáne balalar
hirýrgiiasy ǵylymi ortalyǵy»
baspasóz qyzmeti
