Almatyda Sh.Aimanov atyndaǵy «Qazaqfilm» AQ mýzeiinde órt shyqty, dep habarlaidy "Ult aqparat".
Bul týraly aqparat áleýmettik jelide taraldy.
«14 tamyzda saǵat 21:33-te kezekshi pýltine Ál-farabi kóshesi 176 úi mekenjaiyndaǵy ǵimarat kúzetshisinen habar kelgen. Almaty qalalyq tótenshe jaǵdai kúshteri oqiǵa ornynda kúsheitilgen rejimde jumys istep, órtti sóndirýde», - dedi TJD baspasóz qyzmeti.
Mamandardyń aitýynsha, oqiǵa ornynda ottyń eki oshaǵy shyqqan. Bólek qalqada turǵan aǵash material, sosyn eki qabatty aǵash ǵimarat janyp jatyr, ottyń taralý qaýpi joq. Tótenshe jaǵdaidan eshkim zardap shekpegen. Órtti sóndirýge TJD, Politsiia bólimi men is-qimyl jasaý qyzmetinen 53 adam men 16 birlik tehnika tartyldy.
Eki oshaqta da órt aýyzdyqtaldy.
