Megapolis ákimi Almatyda qatań lokdaýn engiziledi degen aqparattyń shyndyqqa janaspaitynyn aitty, dep habarlaidy "Ult aqparat".
«Birden aitaiyn, Almatyda eshqandai karantin bolmaidy. Bul derekterdiń qaidan shyqqanyn bilmeimin, bul qaýeset tez taralyp jatyr», - dedi ákim Almaty Invest forýmy aiasynda.
Ol keshe ǵana qala «sary aimaqta» bolǵanyn atap ótti.
«Densaýlyq saqtaý ministrligi taratqan málimetke sáikes, búginen bastap qaitadan jasyl aimaqqa óttik. Biz «sary» men «jasyl» aimaqtyń ortasynda bolamyz», - dedi ákim.
Sonymen qatar, ol qalanyń bas sanitarlyq dárigeriniń barlyq shekteý sharalaryn mindetti túrde oryndaý kerektigin jetkizdi.
«Biz pandemiiamen kúresý úshin qalany jappaýymyz kerek. Aldymyzǵa ondai maqsat qoiǵan joqpyz. Biz ony bastan ótkerdik, biz oǵan qansha kúsh jumsalǵanyn bilemiz. Bul ekonomikalyq turǵydan qalaǵa ǵana emes, elge de qatty soqqy boldy. Búgin biz karantin jariialaimyz. Alaida sanitarlyq-epidemiologiialyq qyzmettiń barlyq talaptaryn oryndamasaq, onda biz qalany jabýǵa májbúr bolamyz», - dep atap ótti Baqytjan Saǵyntaev.
