Almaty qalasynyń Bilim basqarmasy qashyqtan oqytýdaǵy tehnikalyq máselelerdi jaqyn kúnderi sheshýge ýáde berdi, dep habarlaidy "Ult aqparat".
Qalalyq bilim berýdegi jańa tehnologiialardyń ǵylymi-ádistemelik ortalyǵynyń direktory Andrei Dýpiktiń aitýynsha, internet platformalardaǵy aqaý shamadan tys júktemeniń túsýine bailanysty bolǵan.
«Búgin qala mektepterindegi 290 myń oqýshy 50-den asa serverdi paidalanyp, qashyqtan oqyp jatyr. Bir kúnde jáne bir ýaqytta 3 myń bala kirdi. Sondyqtan tehnikalyq aqaý oryn aldy. Qazirgi tańda serverlerdiń úzdiksiz jumys isteýin qamtamasyz etip, olardyń qýatyn arttyrý úshin jelilik múmkindikter qaralyp jatyr. Barlyq tiis shara qabyldanady», - deidi Andrei Dýpik.
