Almatyda qańtar oqiǵasynan keiin oq-dáriler men qarý-jaraq jasyrylǵan oryndar áli de anyqtalyp jatyr, dep habarlaidy QazAqparat.
Bul joly qarý-jaraq saqtalǵan qoima Medeý aýdanyndaǵy saiajai alqabynan tabyldy. Atap aitqanda, 2 Makarov tapanshasy, tegis uńǵyly myltyq, 512 dana ártúrli kalibrli patron, onyń ishinde Kalashnikov avtomatyna arnalǵan patrondar bar, 22 dana granata jáne radiostantsiia anyqtaldy.
Almaty qalalyq Politsiia departamentiniń baspasóz qyzmetinen málim etkendei, atalǵan fakti QR Qylmystyq kodeksiniń 287-babymen tergeledi.
Sondai-aq politsiia málimetinshe, qarý-jaraq jasyrylǵan orynnan ósimdik tektes jáne untaq esirtki zattary tabyldy. Qylmystyq is aiasynda sot-ballistikalyq jáne sot-himiialyq saraptamalar taǵaiyndaldy.
