Almatyda urlanǵan myltyq pen oq-dárilerdiń qoimasy tabyldy, dep habarlaidy QazAqparat.
Almaty qalalyq politsiia departamentiniń málimetinshe, qarý-jaraq saqtalǵan qupiia oryn «Shańyraq» yqsham aýdanyndaǵy jeke turǵyn úidiń edeniniń astynan tabyldy.
Belgili bolǵanyndai ol jerde tártipsizdikke jáne qarý-jaraq dúkenin tonaýǵa qatysqan tórt adam qarý-jaraq pen oq-dárilerdi saqtaǵan.
«Atap aitqanda, tintý kezinde oqtary bar eki myrysh, 12 RGD jáne F-1 granatasy, AK-47-ge arnalǵan eki patron, oq ótkizbeitin kiim, qalqandar, dýlyǵalar, RPG snariady, tegis uńǵyly myltyq, toǵyz myltyq tabyldy. Aiǵaqty zattar tergeý-jedel tobymen protsessýaldyq tártipte tárkilendi. Qylmystyq is QR QK-niń 188 baby 3 bóligimen jáne QR QK-niń 291 baby 1 bóligimen tirkeldi», – dedi Almaty qalalyq politsiia departamenti bastyǵynyń orynbasary Berik Ábilbekov.
Kúdiktiler ýaqytsha ustaý izoliatoryna qamaldy.
Politsiia ókilin aitýynsha, ustalǵandar arsenal tabylǵan jaldamaly úide birge turǵan.
