Almatyda «Kamerad» qarý-jaraq dúkenin tonaǵan kúdiktiler tergeý barysynda mán-jaidy aityp berdi, dep habarlaidy QazAqparat.
Almaty qalalyq politsiia departamentiniń málimetinshe, «Kamerad» qarý-jaraq dúkenin tonaǵan úsh adam ustaldy. Olardan bes myltyq tárkilendi.
«Eki kúdikti Almaty oblysynyń, taǵy bireýi Jambyl oblysynyń turǵyny. Olardyń bireýi buryn tonaý boiynsha sotty bolǵan. Olar 22-24 jasta. Kúdiktiler qamaýǵa alyndy. Ustalǵandardyń basqa da zańsyz áreketterge, sonyń ishinde qańtardaǵy jappai tártipsizdikterge qatysy bar-joǵy tekserilip jatyr», – dedi Almaty qalalyq politsiia departamenti bastyǵynyń orynbasary Berik Ábilbekov.
Tergeý barysynda, ustalǵandar bir aýyzdan qarý-jaraq dúkenin belgisiz adamdardyń buiryǵymen tonaǵandaryn aitty.
«Bir beitanys jigit kóligime otyryp, Shaliapin men Sain kóshelerine barýymdy buiyrdy. Men bardym. Dúkendi tonaǵanan keiin ol adam joǵalyp ketti. Onyń kim jáne qazir qaida ekenin bilmeimin», – dedi ustalǵan kúdikti.
«Biz kóp boldyq. Urlanǵan qarýdy men tyǵyp qoidym», – dedi kezekti ustalǵan kúdikti.
Anyqtalǵandai, ustalǵandardyń úsheýiniń de turaqty jumysy joq.
