Almaty politseileri qarý-jaraq dúkeninen urlanǵan qarýdy tárkiledi, – dep habarlaidy Polisia.kz.
Qalalyq kriminaldyq politsiianyń málimetinshe, “Kamerad” qarý-jaraq dúkenin tonaǵan úsh adam ustaldy. Olardan bes myltyq tárkilendi.
– Eki kúdikti – Almaty oblysynyń, taǵy bireýi Jambyl oblysynyń turǵyndary. Aitpaqshy, ol buryn tonaý boiynsha sotty bolǵan. Olar 22-24 jasta. Almaty oblysy, Qarasai aýdany aýmaǵynda arnaiy is-shara barysynda eki kúdikti ustaldy, taǵy bir aiyptalýshy Almatydaǵy Dostyq dańǵylyndaǵy saýda úiinde tutqyndaldy. Olar qamaýǵa alyndy. Ustalǵandardyń basqa da zańsyz áreketterge, sonyń ishinde qańtardaǵy jappai tártipsizdikterge qatysy bar-joǵy tekserilip jatyr, – dedi Almaty qalalyq Politsiia bepartamenti bastyǵynyń orynbasary Berik Ábilbekov.
Tárkilengen qarý sot-ballistikalyq saraptamaǵa jiberildi.
