Almaty men Almaty oblysy shekarasynda qarsy jolaqta kele jatqan politsiia kóligi videoǵa túsip qaldy, - dep habarlaidy Tengrinews.kz tilshisi.
Oqiǵa 2 jeltoqsanda tańerteń Talǵar tasjoly boiynda Besaǵash aýylynyń mańynda bolǵan. Oqiǵa kýágeri saǵat 7.00 shamasynda Mercedes júrgizýshisi keptelis kezinde qarsy jolaqqa qalai shyqqanyn kameraǵa túsirip alǵan. Ol júrgizýshi politsiia formasynda bolǵanyn jáne kólik nómirsiz bolǵanyn aitty. Muny áleýmettik jelide jariialanǵan videodan da baiqaýǵa bolady.
Sondai-aq, video avtory jol erejesin óreskel buzǵan politsei onyń kóligin soǵyp kete jazdaǵanyn aitty.
"Búgin tańǵy saǵat 7.05-te aldymda qara tústi Mercedes kóligi kele jatqanyn kórdim, onyń júrgizýshisi "keptelisten" qashyp, qarsy jolaqqa shyqqan. Men kóliktiń shamyn jypylyqtatyp jolymdy bosatýdy eskerttim, ol da jaryǵyn jaǵa bastady.
Birneshe sekýndtan keiin ol biraz jyldamdyqpen kele jatqany belgili boldy, men ony qarańǵyda jáne jaryqtan baiqamadym. Bir ýaqytta onyń kóligi maǵan taiap kep toqtady, men de jyldamdyqty báseńdete bastadym jáne joldyń oń jaq shetine buryldym. Ol da sol baǵytqa burylyp, jol jiegine bir millimetr qashyqta, áreń toqtadyq", - dedi oqiǵanyń kýágeri Mars Úsenov.Onyń aitýynsha, budan keiin Mercedes júrgizýshisi kólikten túspei, salonynan ony ótkizip jiberýin qolymen kórsetken.
"Ol qarsy baǵytta turǵanyn umytsa kerek. Men mán-jaidy bilý úshin kólikten tústim, ol artqa ketti. Men videoǵa túsirýdi bastaǵan kezde ol qarsy jolaqqa shyǵyp qalaǵa qarai ketti. 25-30 jas shamasyndaǵy jas jigit. Tártip saqshylarynan osy jaǵdai qaitalanbaýy úshin shara qoldanýdy suraimyn", - dep qosty Úsenov.
Almaty politsiiasy jaǵdaiǵa qatysty pikir bildirdi. Vedomstvo málimetinshe, videoǵa Patrýldik politsiia polkiniń qyzmetkeri túsip qalǵan. Onyń birqatar óreskel jol qozǵalysy erejesin buzǵany aityldy.
"Qyzmetker ákimshilik jaýapkershilikke tartyldy. Qazirgi ýaqytta bul fakt boiynsha da qyzmettik tekseris júrgizilip jatyr. Politseidiń áreketin Almaty Politsiia departamentiniń tártiptik komissiiasy qaraidy, ári qarai sharalar qabyldanady", - dedi qalalyq Politsiia departamentiniń baspasóz qyzmeti ókilderi.
