Almatyda qalalyq kardiologiialyq ortalyq aýmaǵynda ornalasqan ǵimarat órtendi. Órt saldarynan jarylys shyǵyp, bir adam mert boldy, dep habarlaidy "Ult aqparat".
«Mekeme ókilderi órt sóndirýshilerge ottegi taratý pýnktiniń bir qyzmetkeri (tehnik) evakýatsiialanǵan adamdardyń arasynda joq ekenin aitty. Olardyń aitýynsha, jarylys kezinde tehnik jumys ornynda bolǵan. Órt sóndirýmen qatar órt sóndirýshiler qaza bolǵan 1988 jyly týǵan adamdy izdedi. Onyń denesi jarylǵan ballonyń janynan tabyldy», - dep habarlady qalalyq TJD baspasóz qyzmeti.
Eske salaiyq, búgin qalalyq kardiologiialyq ortalyqtyń aýmaǵynda ornalasqan ǵimarat otqa orandy. Ottegi taratý pýktinde jarylys boldy. Qyzyl jalyn saǵat 15:47-de oqshaýlanyp, saǵat 16:07-de tolyqtai sóndirildi. Órt 280 sharshy metrdi sharpydy.
