Almatyda karantin talaptaryn saqtamaǵan 900 jýyq biznes sýbektisi ákimshilik jazaǵa tartyldy, dep habarlaidy "Ult aqparat".
5 shildeden bastap qalada karantindik jáne sanitarlyq-epidemiologiialyq rejimdi buzǵandardy anyqtaityn 43 mobildi top qurylǵan bolatyn .
Olardyń quramyna ákimdikterdiń, Taýarlar men qyzmetterdiń sapasy men qaýipsizdigin baqylaý basqarmalarynyń, jergilikti politsiianyń ókilderi engen.
Mobildi toptar Prezident pen Almaty qalasy ákiminiń tapsyrmalaryn qala turǵyndarynyń jalpy qoldanystaǵy aýmaqtarda qalai oryndap jatqandaryna monitoring júrgizedi.
Qalanyń 8 aýdanyna júrgizilgen tekserý nátijesinde ákimshilik quqyqty buzǵandary úshin 897 hattama toltyryldy. Atap aitqanda, kafeteriiler, sulýlyq salondary, avtojýý nysandary, TQS, azyq-túlik dúkenderi, naýbaihanalar, kókónis dúkenderi, qoǵamdyq monshalar, bala baqshalar protsedýralyq kabinetter, arnaiy HQKO jáne jeke tulǵalar bar.
Aita keterligi, mobildi toptar karantindik sharalardy, áleýmettik qashyqtyq pen maskalyq rejimdi, sonymen qatar jumys isteýge ruqsat berilgen saýda nysandarynyń jumys kestesi týraly halyqty kún saiyn habardar etedi.
Budan ózge, Taýarlar men qyzmetterdiń sapasy men qaýipsizdigin baqylaý departamenti qalanyń 8 aýdanynda «jedel jelini» iske qosty. Osy jeli arqyly habar túsken boida mobildi top jedel jetedi jáne túsindirý jumystaryn júrgizedi.
