Almatyda 1000 astam adamǵa karantin talaptaryn saqtamaǵany úshin aiyppul salyndy, habarlaidy "Ult aqparat".
Azamattardyń sanitarlyq-epidemiologiialyq salaýattylyǵy salasyndaǵy zańnamanyń, sondai-aq gigiena standarttarynyń saqtalýyn baqylaý maqsatynda Almaty qalasynda ákimdik, SES jáne politsiia qyzmetkerleriniń arasynan arnaiy monitoringtik toptar quryldy.
5 shildeden bastap QR ÁQbK-niń 425-babyna sáikes ákimshilik jaýapkershilikke 1 myń 22 adam tartyldy. Al keshe 90 adamǵa hattama toltyryldy.
«Azamattardyń kóp keletin oryndary, qyzmet kórsetý, tamaqtaný oryndary jáne t.b. únemi tekserilip otyrady. Sonymen qatar, sanitarlyq dárigerdiń talaptaryna sáikes kelmeitin massaj, sulýlyq salondary, barlar, meiramhanalardy anyqtaý boiynsha jedel bólimsheler jumys isteidi. Arnaiy reidter barlyq jerde jáne turaqty negizde júrgizilýde», – dedi Almaty qalalyq PD Jergilikti politsiia qyzmeti basqarmasynyń bastyǵy Manap Sattarov.
