Almatyda kúsheitilgen karantin rejimin buzýshylardy «Sergek» kameralary arqyly anyqtap, jaýapqa tartady. Bul týraly onlain-brifingte qalalyq PD bastyǵy Qanat Taimerdenov aitty, dep habarlaidy "Ult aqparat".
«Biz «Sergek» kameralary túsirgen beinejazbalardy qoldanatyn bolamyz. Bizde bul kameralar qalanyń perimetri boiynsha barlyq 27 blokpostta ornatylǵan. Biz megapoliske kirip-shyqqandardy qadaǵalaimyz jáne planshetterge engizemiz. Sondai-aq, qalanyń ishinde de «Sergek» júiesin qoldanatyn bolamyz. Bul beinejazbalar bizge sotta adamnyń karantindik rejimdi buzǵanyn dáleldeý úshin qajet», – deidi Qanat Taimerdenov.
Buǵan deiin, qalada karantindik sharalardy kúsheitý úshin 26 beket uiymdastyrylatynyn habarlaǵan bolatynbyz.
