Almatyda 1 sáýir kúni tústen keiin bastap jaýǵan qar túngi saǵat 3:00-de toqtady, dep habarlaidy "Ult aqparat".
Taýly jáne taý bókterlerindegi aimaqtarǵa 20-30, al qalaǵa 6-8 sm qar tústi.
Kóktaiǵaqtyń aldyn alý úshin qar jaýǵan kezden bastap joldarǵa, qiylystar men jolairyqtardyń kireberisine, taý bókteri men taýly aimaqtarǵa kóktaiǵaqqa qarsy qospa sebilip, qar tazalandy. Kóktaiǵaqqa qarsy 1 352 tonna material paidalanyldy.
Trotýar, jaiaý júrginshi aimaqtaryn, qoǵamdyq kólik aialdamalaryn, avtoturaq qaltarystaryn, jer ústi ótkelderin jáne ortaq paidalanylatyn jerlerdi tazartý júrgizilip jatyr.
Qar tazalaýǵa 503 arnaiy tehnika, onyń ishinde 127 qum shashatyn tehnika bar, 1080 jumysshy jumyldyrylǵan. Qala syrtyna 1 344 tekshe metr qar shyǵaryldy.
Aýdandyq ákimdikter men qala ákimdiginde qar tazalaýdy táýlik boiy baqylaityn kezekshilik uiymdastyryldy.
Qazgidromettiń boljamy boiynsha, búgin Almatyda kún bultty bolady, aýyq-aýyq jaýyn-shashyn bolady (jańbyr, qar), túnde tuman túsip, 0-5 m/s jel turady. Aýa temperatýrasy kúndiz 3-5, túnde 0-2 aiaz.
3 sáýirde kóshpeli bult shyǵady, ońtústik-shyǵystan 2-7 m/s jel soǵady. Aýa temperatýrasy kúndiz 4-6 jyly, túnde 1-3 aiaz.
4 sáýirde kóshpeli bult shyǵady, jaýyn-shashynsyz bolady.Ońtústik-batystan soǵatyn jel 2-7 m/s. Aýa 10-12 gradýsqa deiin jylynady.
