الماتىدا 1 سەۋٸر كٷنٸ تٷستەن كەيٸن باستاپ جاۋعان قار تٷنگٸ ساعات 3:00-دە توقتادى, دەپ حابارلايدى "ۇلت اقپارات".
تاۋلى جەنە تاۋ بٶكتەرلەرٸندەگٸ ايماقتارعا 20-30, ال قالاعا 6-8 سم قار تٷستٸ.
كٶكتايعاقتىڭ الدىن الۋ ٷشٸن قار جاۋعان كەزدەن باستاپ جولدارعا, قيىلىستار مەن جولايرىقتاردىڭ كٸرەبەرٸسٸنە, تاۋ بٶكتەرٸ مەن تاۋلى ايماقتارعا كٶكتايعاققا قارسى قوسپا سەبٸلٸپ, قار تازالاندى. كٶكتايعاققا قارسى 1 352 توننا ماتەريال پايدالانىلدى.
تروتۋار, جاياۋ جٷرگٸنشٸ ايماقتارىن, قوعامدىق كٶلٸك ايالدامالارىن, اۆتوتۇراق قالتارىستارىن, جەر ٷستٸ ٶتكەلدەرٸن جەنە ورتاق پايدالانىلاتىن جەرلەردٸ تازارتۋ جٷرگٸزٸلٸپ جاتىر.
قار تازالاۋعا 503 ارنايى تەحنيكا, ونىڭ ٸشٸندە 127 قۇم شاشاتىن تەحنيكا بار, 1080 جۇمىسشى جۇمىلدىرىلعان. قالا سىرتىنا 1 344 تەكشە مەتر قار شىعارىلدى.
اۋداندىق ەكٸمدٸكتەر مەن قالا ەكٸمدٸگٸندە قار تازالاۋدى تەۋلٸك بويى باقىلايتىن كەزەكشٸلٸك ۇيىمداستىرىلدى.
قازگيدرومەتتٸڭ بولجامى بويىنشا, بٷگٸن الماتىدا كٷن بۇلتتى بولادى, اۋىق-اۋىق جاۋىن-شاشىن بولادى (جاڭبىر, قار), تٷندە تۇمان تٷسٸپ, 0-5 م/س جەل تۇرادى. اۋا تەمپەراتۋراسى كٷندٸز 3-5, تٷندە 0-2 اياز.
3 سەۋٸردە كٶشپەلٸ بۇلت شىعادى, وڭتٷستٸك-شىعىستان 2-7 م/س جەل سوعادى. اۋا تەمپەراتۋراسى كٷندٸز 4-6 جىلى, تٷندە 1-3 اياز.
4 سەۋٸردە كٶشپەلٸ بۇلت شىعادى, جاۋىن-شاشىنسىز بولادى.وڭتٷستٸك-باتىستان سوعاتىن جەل 2-7 م/س. اۋا 10-12 گرادۋسقا دەيٸن جىلىنادى.
