Qańtar oqiǵalary kezinde zardap shekken bizneske qarjylai qoldaýdyń jalpy somasy 2 029 313 422 teńgege jetti. Bul týraly Almaty óńirlik kommýnikatsiialar qyzmetiniń baspasóz konferentsiiasynda qalalyq kásipkerler palatasynyń direktory Aitýar Qoshmambetov málim etti, dep habarlaidy QazAqparat.
«Qazirgi ýaqytta komissiia jalpy somasy 2 029 313 422 teńgege 755 ótinimdi qarady, onda memlekettik biýdjetten 1 274 398 461 teńge somaǵa 379 ótinim qarjylandyryldy. Qalǵanyn «Jańa Alataý» jáne «Kúsh birlikte» qorlary qarjylandyrady», – dedi Aitýar Qoshmambetov.
Aitýar Qoshmambetov QR Prezidentiniń shuǵyl kómek kórsetý jónindegi tapsyrmasy aiasynda bizneske shyǵynnyń barlyq sanattary úshin 10 mln teńgege deiingi tólem somasymen jeńildetilgen esep boiynsha shyǵyndy óteýdi júzege asyrý, sondai-aq «jabdyq» sanaty úshin ońailatylǵan tetikti qoldaný jáne advokattardyń qyzmetterine aqy tóleýdiń ornyn toltyrý usynylǵanyn atap ótti.
Bul sharalar ótinimdi qaraý merzimin bir aidan eki aptaǵa deiin qysqartýǵa múmkindik beredi.
