30 myńnan asa almatylyq balasyna Pfizer vaktsinasyn saldyrýǵa kelisim berip otyr. Bul týraly brifing barysynda Almaty qalalyq qoǵamdyq densaýlyq saqtaý departamenti basshysynyń orynbasary Svetlana Sultanǵazieva málim etti, dep habarlaidy QazAqparat.
Onyń aitýynsha, megapoliste 12 men 17 jas aralyǵyndaǵy 170 myń bala. Onyń ishinde ata-ananyń 20 paiyzy balasyna Pfizer vaktsina egýge kelisim berdi.
«Bul shamamen 30 myńnan asa ata-ana. Alaida bul kórsetkish ózgerýi múmkin, sebebi sát saiyn kelisim bergender artyp jatyr. Vaktsinalaý aldymen meditsina mekemelerinde júrgiziledi. Al bilim ordalaryna tek arnaiy shaqyrtý arqyly meditsina qyzmetkerleri barady» , - dedi Svetlana Sultanǵazieva.
Qalada Pfizer vaktsinasyn salý 12 qarashada bastalady. Birinshi kezekte 16-17 jastaǵy balalarǵa ata-anasy ruqsat bergennen keiin salynady.
Aita keteri, 10 qarashada túnde Qazaqstanǵa Pfizer vaktsinasynyń alǵashqy partiiasy jetkizildi. Almaty qoimasynda vaktsinanyń alǵashqy 46 800 dozasy, birinshi komponenttiń 23 400 dozasy jáne ekinshisiniń 23 400 dozasy bar. Eki bóliginiń arasy 21-28 kún bolýy kerek.
