© Sputnik / Timýr Batyrshin
Almaty qalasyndaǵy Alǵabas shaǵyn aýdanynda qańǵybas itter eki oqýshyǵa tap berdi, dep habarlaidy Sputnik agenttigi Almaty.tv arnasyna silteme jasap.
Almatylyq Aiman Ospanovanyń aitýynsha, buralqy it ulyn qaýyp alǵan. Qolyn jaraqattady. Abyroi bolǵanda, úlken kisiler kómekke kelip, qańǵybas itti qýyp jibergen. Qazirgi kezde mektep oqýshysy úide emdelip júr.
"Men ózim jumysta bolǵanmyn. Ulymdy it tistep aldy degende estigende záre-qutym qalmady. Biz ony birden aýrýhanaǵa apardyq. Jarany tańyp tastady. Qashanǵa deiin qaitanala beredi? Biz óz ómirimiz úshin qorqamyz", - deidi Aiman Ospanova.
Almatyda qańǵybas itterdi ustap, arnaiy jerge aparady. Úsh kúnniń ishinde iesi tabylmasa, janýardy uiyqtatyp tastaidy.
"Mysaly, búgin biz 30 buralqy itti ustadyq. Tártip boiynsha olardy aldymen arnaiy jerge jiberemiz. Osy oraida qala turǵyndaryna alǵys aitqymyz kelip otyr. Olar qańǵybas itterdiń júrgen jerinen foto men videony ortaq chatqa salyp otyrady. Biz birden sol jaqqa shyǵamyz. Ustalǵan janýardy kez kelgen adam úiine alyp kete alady. Biraq aldymen qujatyn jasatyp, vaktsinalaýdan ótkizý kerek", - Alǵabas shaǵyn aýdanynyń jergilikti ózin-ózi basqarý komitetiniń tóraǵasy Ábilhat Japaq.
Jalpy, jyl basynan beri mamandar 15 myńǵa jýyq panasyz júrgen janýardy ustaǵan. Ieleri 2,5 myń janýardy alyp ketti. Tártip boiynsha kóshede iesiz júrgen kez kelgen janýar qańǵybas bolyp sanalady. Ony mindetti túrde ustap, arnaiy jerge aparady.
