© Sputnik / تيمۋر باتىرشين
الماتى قالاسىنداعى العاباس شاعىن اۋدانىندا قاڭعىباس يتتەر ەكٸ وقۋشىعا تاپ بەردٸ, دەپ حابارلايدى Sputnik اگەنتتٸگٸ Almaty.tv ارناسىنا سٸلتەمە جاساپ.
الماتىلىق ايمان وسپانوۆانىڭ ايتۋىنشا, بۇرالقى يت ۇلىن قاۋىپ العان. قولىن جاراقاتتادى. ابىروي بولعاندا, ٷلكەن كٸسٸلەر كٶمەككە كەلٸپ, قاڭعىباس يتتٸ قۋىپ جٸبەرگەن. قازٸرگٸ كەزدە مەكتەپ وقۋشىسى ٷيدە ەمدەلٸپ جٷر.
"مەن ٶزٸم جۇمىستا بولعانمىن. ۇلىمدى يت تٸستەپ الدى دەگەندە ەستٸگەندە زەرە-قۇتىم قالمادى. بٸز ونى بٸردەن اۋرۋحاناعا اپاردىق. جارانى تاڭىپ تاستادى. قاشانعا دەيٸن قايتانالا بەرەدٸ? بٸز ٶز ٶمٸرٸمٸز ٷشٸن قورقامىز", - دەيدٸ ايمان وسپانوۆا.
الماتىدا قاڭعىباس يتتەردٸ ۇستاپ, ارنايى جەرگە اپارادى. ٷش كٷننٸڭ ٸشٸندە يەسٸ تابىلماسا, جانۋاردى ۇيىقتاتىپ تاستايدى.
"مىسالى, بٷگٸن بٸز 30 بۇرالقى يتتٸ ۇستادىق. تەرتٸپ بويىنشا ولاردى الدىمەن ارنايى جەرگە جٸبەرەمٸز. وسى ورايدا قالا تۇرعىندارىنا العىس ايتقىمىز كەلٸپ وتىر. ولار قاڭعىباس يتتەردٸڭ جٷرگەن جەرٸنەن فوتو مەن ۆيدەونى ورتاق چاتقا سالىپ وتىرادى. بٸز بٸردەن سول جاققا شىعامىز. ۇستالعان جانۋاردى كەز كەلگەن ادام ٷيٸنە الىپ كەتە الادى. بٸراق الدىمەن قۇجاتىن جاساتىپ, ۆاكتسينالاۋدان ٶتكٸزۋ كەرەك", - العاباس شاعىن اۋدانىنىڭ جەرگٸلٸكتٸ ٶزٸن-ٶزٸ باسقارۋ كوميتەتٸنٸڭ تٶراعاسى ەبٸلحات جاپاق.
جالپى, جىل باسىنان بەرٸ ماماندار 15 مىڭعا جۋىق پاناسىز جٷرگەن جانۋاردى ۇستاعان. يەلەرٸ 2,5 مىڭ جانۋاردى الىپ كەتتٸ. تەرتٸپ بويىنشا كٶشەدە يەسٸز جٷرگەن كەز كەلگەن جانۋار قاڭعىباس بولىپ سانالادى. ونى مٸندەتتٸ تٷردە ۇستاپ, ارنايى جەرگە اپارادى.
