Almaty ákimi Baqytjan Saǵyntaev qandai jaǵdaida karantin talaptary kúsheitilýi múmkin ekenin aitty, dep habarlaidy "Ult aqparat".
«Biz apta saiyn sarapshylarmen, epidemiologtarmen jumys isteimiz. Ár juma saiyn ZOOM arqyly barlyq emhanalar men aýrýhanalardyń bas dárigerlerimen jiyn ótedi. Ol jerde epidahýaldyń jai kúii talqylanady. Ortaq palatada, jan saqtaý bóliminde jatqan naýqastardyń jaǵdaiyn bilemiz. Qandai tendentsiia bolyp jatqanyna qarap boljam jasaimyz», - dedi B. Saǵyntaev.
Onyń aitýynsha, jazda qatań karantin rejimine kóshý máselesine qatysty arnaiy algoritm jasalǵan. Bul statsionardaǵy adam sanyna bailanysty bolmaq.
«Eger biz barlyq talaptardy buzyp, ár jerdejúrsek, ara qashyqtyq saqtamasaq, kúnine naýqastar sany 100-105 adamǵa ósse, sharalardy kúsheiterimiz anyq. Eger odan kóp bolsa, odan da qatań sharalarǵa kóshemiz», - dedi ákim.
