Almatyda jappai tártipsizdik kezinde áskeri KamAZ aidap áketken turǵyn ustaldy, - dep habarlaidy Tengrinews.kz tilshisi Almaty Politsiia departamentiniń baspasóz qyzmetine silteme jasai otyryp.
Ol Pavlodar oblysy Ekibastuz qalasynyń 27 jastaǵy turǵyny bolyp shyqty. Onyń tonaý derekterine de qatysy bar ekeni anyqtaldy.
"Alataý aýdanynyń politsiia qyzmetkerleri Ójet shaǵynaýdanynda kúdiktini ustady. Odan 30 oǵy bar "Saiga" tegis uńǵyly myltyq tárkilendi. Ol qarý-jaraq dúkeninen urlanǵan. Alataý aýdanynyń politsiia qyzmetkerleri taǵy úsh adam urlaǵan birneshe atys qarýyn anyqtady. Qarý-jaraq dúkenderin tonaý nátijesinde olar Ata-arms, Remington-700 jáne Sauer-202 markaly myltyqtaryn zańsyz iemdendi. Kúdiktiler qamaýǵa alyndy", - dep málimdedi politsiia ókili.
