Almatydaǵy qalalyq sot ǵimaraty qorshaýǵa alyndy. Osy jaǵdaiǵa bailanysty sot otyrystary keiinge shegerildi, dep habarlaidy "Ult aqparat".
"Búgin Almaty qalalyq sotynyń kiris keńsesi poshtasyna túrli sipattaǵy qoqan-loqqy jasalǵan habarlamalar kelip tústi. Osyǵan bailanysty qazirgi ýaqytta sot ǵimaratynda habarlamalar tekserilip jatyr. Qurmetti azamattar, túsinispeýshilik týyndamas úshin sot protsesteriniń keiinge qaldyrylǵanan habarlaimyz", - dep málimdedi Almaty qalalyq sotynyń baspasóz hatshysy Abai Jarylqasyn.
Qorshaýǵa alynǵan sot ǵimaratynan sýdialar men sot qyzmetkerleri evakýatsiialanǵan.
Al Almaty politsiia departamentiniń baspasóz qyzmeti sot ǵimaratynda saperler jumys istep jatqanyn habarlady.
"Qalalyq sot ǵimaratyna mina qoiylǵany týraly jasyryn habarlama kelip tústi. Atalǵan mekenjaiǵa qalanyń tótenshe jaǵdailar qyzmeti tartyldy. Olar birinshi kezekte sot qyzmetkerlerin, sondai-aq sotqa kelgen adamdardy evakýatsiialady. Jol-patrýldik politsiia qyzmetkerleri kólikterdi qaýipsiz aýmaqqa shyǵarý jumystaryn júrgizdi. Qazir ǵimaratty saper bólimsheleri tekserip jatyr. Tekserý nátijeleri týraly keiinirek habarlaimyz", - dep aqparat taratty Almaty PD baspasóz qyzmeti.
