Foto: Almaty qalasy ákimdigi
Almatyda iri meiramhana sot sheshimimen súrile bastady, dep habarlaidy "Ult aqparat" qalalyq ákimdiktiń baspasóz qyzmetine silteme jasap.
"Qala qurylysyn baqylaý basqarmasynyń jospardan tys tekserýi barysynda Naýryzbai aýdanyndaǵy Aqjar shaǵyn aýdanynda ornalasqan meiramhananyń ruqsat qujattarynsyz salynyp jatqany anyqtalǵan.
Menshik iesine qatysty Ákimshilik quqyqbuzýshylyq týraly kodeksiniń 316-baby 1-bóligi, 321, 463-bóligi 1-bóligi boiynsha ákimshilik sharalar qabyldandy jáne zańbuzýshylyqtardy joiý týraly usynys berildi. Merzim ótkennen keiin menshik iesi usynym talaptaryn oryndamady jáne basqarma Almatynyń mamandandyrylǵan aýdanaralyq ekonomikalyq sotyna zańsyz salynyp jatqan obektini buzý týraly talap aryz berdi" - delingen habarlamada.
Ákimdik málimetinshe, 2022 jyldyń 26 tamyzynda sot sheshimimen talap aryz tolyq kólemde qanaǵattandyryldy. Alaida meiramhana iesi apelliatsiialyq shaǵym bergen.
19 qazanda qalalyq sot birinshi instantsiiadaǵy sottyń sheshimin ózgerissiz qaldyrdy. Bes aidan soń, iaǵni 2023 jyldyń 13 sáýirinde nysan sot oryndaýshylarynyń qatysýymen súrile bastady.
