Almatyda 61 jastaǵy G. esimdi azamat esirtkini kóterme jáne bólshek saýdada satýmen ainalysqan, dep habarlaidy QazAqparat.
Kúdiktini ustamas buryn politsiia qyzmetkerleri jedel jáne arnaiy sharalar keshenin júzege asyrdy. Dáleldeme bazasy jetkilikti kólemde jinaqtaldy.
«Kúdikti kúndizgi ýaqytta garaj kooperativteriniń biriniń aýmaǵynda ustaldy. Bizdiń málimet boiynsha, kúdikti satýǵa daiyndalǵan qylmystyq zatty sol jerde saqtaǵan. Tintý kezinde gashish salynǵan 13 býma, marihýana salynǵan 13 býma, PM-9mm tapanshasynyń bir patrony, 740 myń teńge kóleminde qolma-qol aqsha, 1 150 dollar, 50 eýro tabylyp, tárkilendi. Tárkilengen zat sot-himiialyq saraptamaǵa jiberildi», — dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.
Sondai-aq, politsiia shaharǵa shópti jetkizý arnasy men esirtki satýshynyń turaqty tutynýshylary anyqtalatynyn, qazirgi ýaqytta G. esimdi azamat ýaqytsha ustaý izoliatoryna qamalǵanyn habarlady.
