Foto: Almaty ákimdigi
Almaty ekonomikasy ornyqty damyp keledi. 2025 jyly qańtar-mamyr ailary aralyǵynda qysqa merzimdi indikator 109,5% jetip, bul derlik barlyq sektorda ósim bar ekenin bildiredi, dep habarlaidy qala ákimdiginiń ekonomika basqarmasy, dep habarlaidy Ult.kz.
Ónerkásip salasynda turaqty ósim tirkeldi: indeks 114,1% boldy. Ásirese, óńdeý ónerkásibinde ósim 16,2% jetken.
Qurylys sektory da ósim qarqynyn saqtap otyr. Qurylys jumystarynyń kólemi 24% ósti, 1,1 million sharshy metrden astam turǵyn úi paidalanýǵa berildi (+12,2%), al kópqabatty úi qurylysy 20% artty.
Saýda salasynda da oń ózgeris baiqalady: jalpy ósim 4,4%, bólshek saýda 7,9%, kóterme saýda 3% artty.
Kólik jáne qoima qyzmetteriniń kólemi 24,4% ósti, bailanys salasyndaǵy ósim 3,3% boldy.
Negizgi kapitalǵa tartylǵan investitsiia kólemi 28,2% artyp, 714,4 milliard teńgege jetti. Onyń 557,5 mlrd teńgesi – jekemenshik investorlardyń úlesinde.
