Almaty politsiiasy alaiaqtyqtyń jańa túri týraly eskertti, dep habarlaidy "Ult aqparat".
Kriminaldyq politsiianyń málimetinshe, alaiaqtyq ádisi kelesidei: siz Instagram belsendi qoldanýshysyz. Alaiaqtar, ádette, adamdardy jazylýshy sanyna qarai tańdaidy.
«Jazylýshysy kóp kez kelgen adam «siniaia galochka» mártebesin alǵysy keledi – mártebe paraqshańyzdyń jalǵan emestigin jáne ony Instagram ákimshiligi rastaityndyǵyn bildiredi. Alaiaq sondai azamatty tapqannan keiin Instagram-daǵy jalǵan qoldaý qyzmeti paraqshasynan baqytty adam ekenińizdi jáne sizge «siniaia galochka» mártebesi berilgeni týraly tikelei sms-habarlama jiberedi. Ol úshin siz Instagram-nyń qupiia sózin engizý úshin siltemege ótýińiz kerek bolady. Qupiia sózdi engizý arqyly avtomatty túrde ótinimińiz qabyldanǵany jáne úsh kún ishinde qaralatyny týraly mátin paraqshasyna túsesiz. Birneshe saǵattan keiin paraqshańyzǵa kirý múmkindiginen múldem aiyrylasyz. Osydan keiin uialy telefonyńyzǵa nemese vatsapqa paraqshańyzdyń buzylǵany jáne belgili mólsherde 200-1000 AQSh dollaryn tóleý kerek degen habarlamalar kele bastaidy», – dedi Almaty qalasy politsiia departamenti bastyǵynyń orynbasary Rústem Ábdrahmanov.
Onyń aitýynsha, osy tizbekti qoldaný arqyly internettegi alaiaqtyq faktisi boiynsha tek sońǵy birneshe kúnde alty adam Almaty politsiiasyna shaǵym túsirgen.
«Munda azamattar qabyldaýy tiis aqparattyq qaýipsizdik sharalary mańyzdy. Árdaiym osyndai habarlamalarǵa kúmándanyp, syn kózben qaraýyńyzdy suraimyz. Turǵyndardy saq bolýǵa jáne qyraǵylyq tanytýǵa shaqyramyz», – dedi Rústem Ábdrahmanov.
