Foto: Kazinform
Almaty politsiiasy gashish pen marihýana jasalatyn esirtki pritonyn joidy, dep habarlaidy «Ult aqparat» Kazinform-ǵa silteme jasap.
Esirtki qylmysyna qarsy kúres basqarmasynyń málimetinshe, esirtki pritony Jetisý shaǵyn aýdanyndaǵy turǵyn úide bolǵan.
– Úi iesi men onyń qasyndaǵylardyń turǵylyqty jerin tintý kezinde polietilen bailamdary, ósimdik tektes zaty bar sirińke qoraptary, elektrondy tarazylar tabyldy jáne tárkilendi. Ustalǵandar gashish pen marihýanany jeke paidalaný úshin saqtaǵandaryn aitty. Tárkilengen zattardyń shyǵý tegi men iesin anyqtaý maqsatynda sot-himiialyq saraptama taǵaiyndaldy. Esirtki zattardy tutyný jáne zańsyz saqtaý úshin oryn uiymdastyrý derekteri boiynsha sotqa deiingi tergeý amaldary júrgizilip jatyr. Kúdiktiler ýaqytsha ustaý izoliatoryna qamaldy, – dedi Almaty qalalyq politsiia departamenti bastyǵynyń orynbasary Qýatbek Naýatov.
Almaty qalasynyń politsiia departamenti QR QK-niń 201-babyna sáikes ózge aqparat tergeý múddesine orai jariia etilmeitinin habarlady.
