Almaty ákimdigi eski turǵyn úilerdiń turǵyndaryn kóshirý týraly máseleni qarastyryp jatyr.
Qala qurylysyn baqylaý basqarmasynyń habarlaýynsha, bul turǵyndardyń baspanasyn arnaiy komissiia «eskirgen» degen qorytyndy shyǵarǵan.
Ákimdik qazir bir qurylys kompaniiasymen kelissóz júrgizip jatyr. Bul kompaniia jaqynda Túrksib aýdanynda Seifýllin dańǵylyna jaqyn jerde turǵyn úidiń qurylysyn bastaidy.
Ótken ǵasyrdyń ortasynda salynǵan úide turyp jatqan turǵyndardyń endi aýdany keńirek jańa baspana alýǵa múmkindigi bar.
«60-70 jyl buryn salynǵan úilerdiń sharshy metri qazirgi normaǵa sai kelmeidi. Eń kishkentai páterde turyp jatqan turǵyndar 15 sharshy metrge artyq baspana ala alady. Eger, turǵyndar budan úlkenirek baspana alǵysy kelse, onda qurylys kompaniiasymen kelisýi kerek», - dedi Almaty ákiminiń orynbasary Muhit Ázirbaev.
Ákimniń orynbasary Alataý aýdanynda «Nurly jer» baǵdarlamasy boiynsha salynyp jatqan 23 úidiń abattandyrylý protsesimen tanysty.
Aita ketý kerek, Qazaqstanda sport alańqailaryna qural-jabdyq shyǵaratyn kompaniialardyń sany artyp keledi. Osyndai óndiris oryndarynyń biri Almatyda ornalasqan.
