Foto: Almaty oblysy DP baspasóz qyzmeti
Almaty oblysynda BMW kóligin urlady degen kúdikpen 21 jastaǵy er adam ustaldy, - dep habarlaidy «Ult aqparat» Almaty oblysy DP baspasóz qyzmetine silteme jasap.
Oblystyq politsiia málimetinshe, ustalǵan adam esirtkilik masań kúide bolǵan, bul aýyr zardaptarǵa ákep soqtyratyn jol-kólik oqiǵasynyń qaýpin edáýir arttyrǵan.
"Almaty-Óskemen tasjolynda jariialanǵan jospar aiasynda avtokólik urysy ustaldy. Aqparatqa sáikes, Almatyda belgisiz bireý BMW markaly avtokóligin urlap, megapolis syrtyna aidap qashyp ketken. Patrýldik politseiler Qonaev baǵytynda joǵary jyldamdyqpen kele jatqan urlanǵan sheteldik avtokólikti baiqap úlgerdi. Almaty – Óskemen tasjolynyń 19-shaqyrymynda Almaty oblysynyń tártip saqshylary júrgizýshini qýyp, toqtatýǵa májbúrlep, aqyry ony ustady", - dedi Almaty oblystyq Politsiia departamentiniń basshysy Baýyrjan Álenov.
Meditsinalyq saraptama ustalǵan er adamnyń esirtki qabyldaǵanyn rastady. Sondai-aq, kúdiktiniń qolynda kólik júrgizý quqyǵyn beretin qujattary bolmaǵan. Tárkilengen BMW kóligin arnaiy turaqqa ornalastyrǵan politseiler kúdiktini jaqyn jerdegi politsiia bólimine jetkizdi. Kólikti zańsyz iemdený deregi boiynsha qylmystyq is qozǵaldy.
