Foto: Polisia.kz
Almatyda esirtki zerthanasyn uiymdastyrǵan er adam 11 jylǵa bas bostandyǵynan aiyryldy, – dep habarlaidy «Ult aqparat» Polisia.kz-ke silteme jasap.
Almatynyń Bostandyq aýdanyndaǵy kópqabatty turǵyn úi kesheninde 27 jastaǵy jigit esirtki zerthanasyn uiymdastyrǵan.
– Esirtki qylmysyna qarsy kúres basqarmasynyń qyzmetkerleri páterdi tintý barysynda meditsinalyq shpritster, qolǵaptar, lakmýs qaǵazy, jasyl tústi izolenta, prekýrsorlar men tuz qyshqyly bar ydystar, arnaiy zerthanalyq shyny ydystar, elektrondy tarazylar jáne basqa da sintetikalyq psihotroptyq zatty óndirýge arnalǵan quraldardy tárkiledi. Daiyn ónim – kristaldar túrindegi aqshyl tústi zat. Saraptama qorytyndysyna sáikes, bul zat jalpy salmaǵy 139,57 grammdy quraityn Alfa-PVP esirtki zaty. Páterden tabylǵan: suiyq, kristaldy jáne untaq kúiinde sot-himiialyq saraptamaǵa jiberildi. Kúdikti qamaýǵa alyndy, – dedi Almaty qalalyq politsiia departamenti bastyǵynyń orynbasary Qýatbek Naýatov.
Almaty qalasynyń qylmystyq ister jónindegi mamandandyrylǵan aýdanaralyq sotynyń úkimimen kúdikti esirtki qylmysyn jasaǵany úshin kináli dep tanyldy.
Ol 11 jylǵa bas bostandyǵynan aiyryldy.
