Foto: Polisia.kz
Almatyda arnaiy operatsiia barysynda sheteldikterdiń qylmystyq is-árekettteri áshkerelendi, dep habarlaidy «Ult aqparat» qalalyq politsiia departamentine silteme jasap.
Belgili bolǵanyndai, qalada Pákistan men Úndistannan kelgen eki azamaty esirtki biznesimen ainalysqan. Olardyń biri Almatydaǵy joǵary oqý oryndarynda oqidy.
«Ózderiniń qylmystyq áreketin júzege asyrý úshin kúdiktiler jeke turǵyn úidi jalǵa alǵan. Turǵyn úidi tintý kezinde satýǵa daiyn asa iri kólemdegi sintetikalyq esirtki, zerthanalyq jabdyqtar, prekýrsorlar tabylyp, tárkilendi. Sheteldikterdiń birlese jumys istegeni anyqtaldy, olardyń biri esirtkini qainatsa, ekinshisi ony jasyryp qoiý arqyly taratqan. Izdestirý sharalary qaskóilerdiń turǵylyqty jerinde de júrgizildi. Olar sintetika salynǵan oramdardy jatyn bólmesinde saqtaǵan. Tárkilengen sintetikalyq psihotroptyq zattardyń jalpy salmaǵy 4 keliden asty. Kúdiktiler qamaýǵa alyndy», – dedi Almaty qalalyq politsiia departamenti bastyǵynyń orynbasary Qýatbek Naýatov.
Eske salsaq, Batys Qazaqstan, Abai oblystary men Almaty qalasynda esirtkini eshqandai bailanyssyz tásilmen taratýǵa mamandanǵan uiymdasqan qylmystyq toptar ustaldy.
