Almatyda halyq sanaǵyna qatysty alaiaqtyq týraly aqparat jalǵan. Bul jóninde Almaty qalalyq PD baspasóz qyzmeti málimdedi, dep habarlaidy "Ult aqparat".
Almaty qalalyq PD baspasóz qyzmetiniń habarlaýynsha, megopoliste halyq sanaǵyna qatysty alaiaqtyq faktisi tirkelgen joq.
«Almatyda belgisiz adamdar úilerdi aralap halyq sanaǵyn júrgizip júr degen aqparat shyndyqqa janaspaidy. Sonymen qatar, azamattar tarapynan da shaǵym túsken joq. Ártúrli messendjerler arqyly tarap jatqan mundai maǵynadaǵy aqparatqa senýdiń qajeti joq. Osyǵan bailanysty biz azamattardy tek memlekettik organdardan kelip túsken habarlamalardy nazarǵa alýǵa jáne kúmándi derekkózder taratqan aqparatty ary qarai taratpaýǵa shaqyramyz. Onyń saldarynan turǵyndar arasynda negizsiz dúrbeleń týyndaýy múmkin«, – deidi qalalyq politsiia.
