Er adam Almaty-2 stantsiiasynda poiyzdyń tóbesine shyqqan. Oqiǵa videoǵa túsirildi, - dep habarlaidy Tengrinews.kz agenttigi.
Kadrlarda Almaty-Oral baǵytyndaǵy jolaýshylar poiyzy vagonnyń tóbesinde er adam jatqanyn kórýge bolady.
Kóliktegi politsiia basqarmasynyń baspasóz qyzmeti málimetinshe, oqiǵa 24 shilde saǵat 22.45-te bolǵan. "Almaty-1" stantsiiasyndaǵy kezekshi bólimshege "Almaty-2" stantsiiasynan "Almaty-Oral" poiyzynyń mashinisinen vagonnyń tóbesine shyǵyp, jatyp alǵan er adamnyń kesirinen poiyz shuǵyl toqtatylǵany týraly habarlama tústi.
"Poiyz toqtaǵannan keiin kólik politseileri quqyqbuzýshyny akt boiynsha vagonnyń tóbesinen túsirdi. Tekserý barysynda Batys Qazaqstan oblysynyń 47 jastaǵy turǵyny anyqtaldy. Jaýap alý barysynda er adam bilet alýǵa aqshasy joǵyn aityp, poiyzdyń tóbesinde jatyp, úiine jetýdi uiǵarǵan", - dedi politsiia.
Er adamǵa QR ÁQBtK-niń 560-baby ("Temirjol kóligi quraldaryn paidalaný qaǵidalaryn buzý") boiynsha 5 AEK (15 900 teńge) kóleminde aiyppul salyndy.
