Almatyda dosynyń kámeletke tolmaǵan qyzyn zorlamaq bolǵan er adam 15 jylǵa sottaldy, - dep habarlaidy "Ult aqparat" Polisia.kz saityna silteme jasap.
Tergeý barysynda anyqtalǵandai, M. esimdi er adam týystarymen janjaldasyp, dosynyń úiine túneýge kelgen. Bári uiyqtap ketken soń, qonaq bólmeden dosynyń 11 jastaǵy qyzyn kórip, ony zorlamaq bolǵan. Bala sasqalaqtamai, aiǵailap kómek suraǵan. Kómekke ákesi men aǵasy kelgen.
"Olar politsiia shaqyryp, kúdiktini qylmys ornynda jedel ustaýǵa kómektesti. Keiin ol qamaýǵa alynyp, ýaqytsha ustaý izoliatoryna aýystyryldy. Jasalǵan quqyqbuzýshylyqtyń barlyq mán-jaiyn anyqtaý maqsatynda sot-meditsinalyq saraptamasy júrgizildi, onyń qorytyndysy jábirlenýshiniń, kýálardyń jáne kúdikti M. esimdi er adamnyń moiyndaýymen qatar, QR QK-niń 24-baby 3-bóligi, QR QK-niń 120-baby 4-bóligi ("Zorlaýǵa oqtalý") boiynsha qylmys jasady degen aiyp taǵýǵa múmkindik berdi. Alataý aýdandyq PB-nyń tergeýshisi jinaǵan dáleldemeleri sot sheshim qabyldaýy úshin jetkilikti dep tanyldy", - delingen habarlamada.
