© Photo: jaqyn týystary usynǵan, Sputnik Qazaqstan
Almatyda er adam áielge eki kanistra benzin quiyp, órtep jiberdi, dep habarlaidy Sputnik Qazaqstan.
Oqiǵa 21 jeltoqsanda bolǵan. Burynǵy kúieýi 41 jastaǵy áiel satýshy bolyp isteitin dúkenge qarýmen kirip, satyp alýshylardy qýyp shyqqan. Artynan áieldi qulatyp, eki kanistra benzin shashyp, dúkenge órt qoiǵan. Jarylys saldarynan órt shyǵyp, dúken mańyndaǵy dárihana da órtenip ketken.
"Meniń ápkemniń burynǵy kúieýi 21 jeltoqsanda dúkendi jaryp jibergen. Ápkem jalǵyzbasty, bir qyzy bar. Bir ai buryn ákem kredit alyp, ápkeme dúkendi jalǵa alyp bergen", - deidi zardap shegýshiniń sińlisi Gúlmira.
© Photo: jaqyn týystary usynǵan, Sputnik Qazaqstan
Er adam dúkendegilerdi qarýmen qorqytyp, qýyp shyǵyp, esikti ishten kilttep alǵan. Dúkenge qarýmen kirgen adamdy kórgen taksist Baýyrjan Áýelbekov jan-jaqtan, kómek surai bastaǵan.
"Dárihana satýshysyna, dúkendi jalǵa bergen adamǵa júgirip baryp eskerttim. Qaityp kelip esikti tartsam ashylmaidy. Sol-aq eken jarylys boldy", - deidi Baýyrjan Áýelbekov.
Esikti teýip ashyp, taksist tútinniń arasynan áieldi tapqan. Kóterip alyp, jaqyn mańdaǵy aýrýhanaǵa júgirgen. Órtten ózi de zardap shekken. Tórt balasymen páter jaldap turatyn taksist kólik júrgizip, nápaqasyn tabýǵa jaramai otyr. Óitkeni órt kezinde qoldary kúiip, dene jaraqatyn alǵan.
Al zardap shekken Indira Tergeýbaeva aýrýhanada jatyr. Jansaqtaý bóliminen palataǵa aýystyrylǵan.
© Photo: jaqyn týystary usynǵan, Sputnik Qazaqstan
"Jaǵdaiy ortasha aýyr. Denesiniń 9 protsentin kúiik shalǵan. Onyń eki paiyzy óte tereń kúiik", - deidi 4-shi qalalyq aýrýhananyń kúiik bóliminiń meńgerýshisi Eldos Álmenov.
Al órt qoiǵan er adam sol jerde janyp ketken. Politsiia qaiǵyly oqiǵaǵa qatysty qylmystyq is qozǵalǵanyn aitady.
"Kisi óltirýge oqtalý deregi boiynsha qylmystyq is qozǵalǵaldy. Oqiǵa ornynan tabylǵan qarýdyń kimge tiesili ekeni anyqtalyp jatyr. Sondai-aq qyzmettik tekserý júrgizilip jatyr. Tergeý barysy IIM men Almaty qalalyq politsiia departamenti basshylyǵynyń baqylaýynda", - dep málimdedi Almaty qalalyq politsiia departamentiniń baspasóz qyzmeti.
