video kadry
Telegram-arnalardyń birinde er adam avtobýsta jolaýshylarǵa pyshaqpen shabýyl jasamaq bolǵany týraly aqparat tarady, - dep habarlaidy Massaget.kz.
Jelide taraǵan aqparatqa súiensek, oqiǵa Almatyda №135 avtobýsta bolǵan.
"Júikesi juqarǵan er adam №135 avtobýstyń jolaýshylaryn pyshaqpen qorqytyp, avtobýstan túskennen keiin dóńgelegin teskisi keldi", - delingen video astyndaǵy jazbada.
Keleńsiz jaǵdaiǵa qatysty Almaty qalasy Politsiia departamenti pikir bildirdi.
"Bul derekti Áýezov aýdanynyń politsiia basqarmasy tergep jatyr. Kim ekeni anyqtaldy, ony ustaý boiynsha jumys júrgizilip jatyr. Aldyn ala málimetter boiynsha, er adam psihikalyq densaýlyq ortalyǵynda esepte turady. Onyń áreketine QR zańnamasyna sáikes quqyqtyq baǵa beriledi", - delingen habarlamada.
