kórneki sýret
Qalada epid-ahýal turaqty. Ai basynan beri koronavirýsqa shaldyqqandar sany aitarlyqtai azaiǵan. Dese de, bosańsýǵa áli erte. Shahardaǵy osy jaǵdaidy saqtap qalý úshin talap etiletin barlyq saqtyq sharalaryn ustaný kerek.
Bul týraly Almatynyń bas sanitarlyq dárigeri Jandarbek Bekshin aitty, dep habarlaidy QazAqparat.
Jandarbek Bekshin qazirgi ýaqytta Almaty qalasynda KVI boiynsha epidemiologiialyq ahýal turaqty ekenin rastady.
«Kúnine infektsiianyń 30-35 jaǵdaiy tirkeledi, biraq bul bosańsýǵa sebep emes. Koronavirýstyń jańa shtamy «omikron» búkil álemde tez taralady jáne álemniń 106 elinde, tipti ujymdyq immýnitettiń joǵary deńgeii tirkelgen jerde de anyqtaldy. Jańa nusqadan tolyq qorǵaý úshin vaktsinatsiianyń tolyq kýrsy qajet. Revaktsinatsiia da usynylady», - dedi Jandarbek .
Jańa jyldyq merekelerdiń jaqyndaýyna bailanysty Jandarbek Bekshin adamdar kóp jinalatyn oryndarǵa barmaýǵa keńes berdi
«Mereke qarsańynda adamdar kóp jinalatyn banketterge barmaýǵa keńes beremin. Merekeni otbasymen birge atap ótýge bolady. Jańa jyldyq merekeler koronavirýstyń taralýyna sebep bolmaýy kerek», - deidi ol.
