Almatyda epidemiologter jetkiliksiz. Bunyń negizgi sebebin qalanyń bas sanitarlyq dárigeri Jandarbek Bekshin brifing barysynda aityp berdi, dep habarlaidy QazAqparat.
«Qalalyq taýarlar men qyzmetterdiń sapasy men qaýipsizdigin baqylaý departamentiniń shtattyq biriligine sáikes, 88 epidemiolog bolýy kerek. Qazir 80 maman bar. Bireý dekrettik demalysta, 15-ke jýyq qyzmetker oblysta turady. Karantinge bailanysty Almatyǵa kire almaidy. Qalany epidemiologtarmen tolyq qamtamasyz etý úshin bizge shamamen 40 qosymsha birlik qajet. Árine, biz zeinetkerlikke shyqqan áriptesterimizdi tarta almaimyz, óitkeni 63 jastan asqan adamdar virýs oshaǵynda jumys istei almaidy «, - deidi Jandarbek Bekshin.
Sonymen qatar, ol epidemiolog mamandardy daiarlaý máselesi óte mańyzdy ekenin atap ótti.
«Maman tapshylyǵynyń sebebi – jalaqynyń tómendigi. Joǵary bilikti, tájiribesi mol epidemiologtiń eńbekaqysy 100-130 myń teńge aralyǵynda. Al, jas mamanyń jalaqysy 70-80 myń teńge. Árine, áleýmettik kómek bolmaǵan soń kóptegen jastar epidemiolog mamandyǵyn tańdamaidy. Qazirgi ýaqytta bizde mamandandyrylǵan epidemiologterdi daiarlaý máselesi ótkir tur, óitkeni olar densaýlyq saqtaý fakýltetterinde az saǵattyq júktemede daiyndalady», - dep tolyqtyrdy Jandarbek Bekshin.
Sondyqtan, ol osy kadrlardyń biliktiligin arttyrý úshin ǵylymi ortalyqtardy qalpyna keltirý qajet ekendigin tilge tiek etti.
