الماتىدا ەپيدەميولوگتەر جەتكٸلٸكسٸز. بۇنىڭ نەگٸزگٸ سەبەبٸن قالانىڭ باس سانيتارلىق دەرٸگەرٸ جانداربەك بەكشين بريفينگ بارىسىندا ايتىپ بەردٸ, دەپ حابارلايدى قازاقپارات.
«قالالىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ شتاتتىق بٸرٸلٸگٸنە سەيكەس, 88 ەپيدەميولوگ بولۋى كەرەك. قازٸر 80 مامان بار. بٸرەۋ دەكرەتتٸك دەمالىستا, 15-كە جۋىق قىزمەتكەر وبلىستا تۇرادى. كارانتينگە بايلانىستى الماتىعا كٸرە المايدى. قالانى ەپيدەميولوگتارمەن تولىق قامتاماسىز ەتۋ ٷشٸن بٸزگە شامامەن 40 قوسىمشا بٸرلٸك قاجەت. ەرينە, بٸز زەينەتكەرلٸككە شىققان ەرٸپتەستەرٸمٸزدٸ تارتا المايمىز, ٶيتكەنٸ 63 جاستان اسقان ادامدار ۆيرۋس وشاعىندا جۇمىس ٸستەي المايدى «, - دەيدٸ جانداربەك بەكشين.
سونىمەن قاتار, ول ەپيدەميولوگ مامانداردى دايارلاۋ مەسەلەسٸ ٶتە ماڭىزدى ەكەنٸن اتاپ ٶتتٸ.
«مامان تاپشىلىعىنىڭ سەبەبٸ – جالاقىنىڭ تٶمەندٸگٸ. جوعارى بٸلٸكتٸ, تەجٸريبەسٸ مول ەپيدەميولوگتٸڭ ەڭبەكاقىسى 100-130 مىڭ تەڭگە ارالىعىندا. ال, جاس مامانىڭ جالاقىسى 70-80 مىڭ تەڭگە. ەرينە, ەلەۋمەتتٸك كٶمەك بولماعان سوڭ كٶپتەگەن جاستار ەپيدەميولوگ ماماندىعىن تاڭدامايدى. قازٸرگٸ ۋاقىتتا بٸزدە مامانداندىرىلعان ەپيدەميولوگتەردٸ دايارلاۋ مەسەلەسٸ ٶتكٸر تۇر, ٶيتكەنٸ ولار دەنساۋلىق ساقتاۋ فاكۋلتەتتەرٸندە از ساعاتتىق جٷكتەمەدە دايىندالادى», - دەپ تولىقتىردى جانداربەك بەكشين.
سوندىقتان, ول وسى كادرلاردىڭ بٸلٸكتٸلٸگٸن ارتتىرۋ ٷشٸن عىلىمي ورتالىقتاردى قالپىنا كەلتٸرۋ قاجەت ەكەندٸگٸن تٸلگە تيەك ەتتٸ.
