Almatyda qala turǵyndaryn azyq-túlikpen qamtý maqsatynda jergilikti biýdjetten 7 mlrd teńge qarastyrylǵan. Bul qarajatqa turaqtandyrý qory tolyqtyrylady, dedi "Ult aqparat" qalalyq ákimdiktiń baspasóz qyzmetine silteme jasap.
«Qala halqynyń negizgi azyq-túlik taýarlaryn tutyný kólemin esepke ala otyryp, jergilikti biýdjetten 7 mlrd teńge turaqtandyrý qoryn tolyqtyrý úshin qarastyrylǵan. Onyń 5 mlrd teńgesi biyl naýryzda bólindi», - dedi qalalyq ákimdiktiń baspasóz qyzmetinen.
Qalalyq Kásipkerlik jáne investitsiialar basqarmasynyń habarlaýynsha, ákimdik Otandyq iri taýar óndirýshilerimen jáne saýda jelilerimen kelisimge keldi.
Kelisim boiynsha 3 ai ishinde taýardyń 17 túri úzdiksiz turaqty baǵada jetkizilýi tiis.
Bul ainalma qarajat ári qarai satylýyna qarai qajetti taýarlardy satyp alý úshin qoldanylatyn bolady. Osylaisha, otandyq azyq-túlik taýarlaryn óndirýshiden tikelei qalanyń saýda sórelerine jetkizýdiń anyq tizbegi jasaldy.
«Qala ákimdigi «Almaty» áleýmettik-kásipkerlik korporatsiiasy» AQ arqyly áleýmettik mańyzy bar 12 túri boiynsha úsh ailyq qordy qalyptastyrý úshin «Magnum Cash & Carry» JShS jeńildikti qaitarymdy zaim bóldi. Nesie alǵan kezde, saýda jelisi taýardy naqty belgilengen baǵamen ótkizýge qatań mindetteledi»,- dedi qalalyq ákimdikten.
