Almatynyń taý bókterinde salynyp jatqan elitaly turǵyn úi kesheniniń bir qabaty buzylady. Bul týraly qala ákimdigi málim etti, dep habarlaidy Ulysmedia.kz.
«Salynyp jatqan Pine Hill turǵyn úi kesheniniń úshinshi qabaty sot sheshimimen buzylady. Ermensai shaǵynaýdanynda 7-inshi tuiyq kóshe, 8/1 ýchaskesinde salynyp jatqan nysandy tekserý kezinde qurylys salýshy turǵyn úidiń úshinshi qabatyn zańsyz salyp jatqany anyqtaldy. Ruqsat qujaty tek 2 qabatqa berilgen», - delingen usynylǵan habarlamada.
Málim etilgendei, ótken jyldyń qarasha aiynda Almaty ákimdiginiń basqarmasy úshinshi qabatty buzý týraly sotqa aryz túsirgen. Alaida, sot aryzdy qanaǵattandyrýdan bas tartqan. Basqarma apelliatsiialyq shaǵym bergen.
«Apelliatsiialyq shaǵym qanaǵattandyryldy. Úshinshi qabatty buzý týraly sot sheshimi zańdy kúshine endi jáne Ádilet departamentiniń oryndaýyna berildi», - delingen ákimdik málimetinde.
