Respýblika saraiynda Qazaqstannyń Tuńǵysh Prezidenti – Elbasy Nursultan Nazarbaevtyń kúni qurmetine orai «Elbasy. Jastar. Bolashaq» atty merekelik kontsert ótti, dep habarlaidy QazAqparat.
Saltanatty sharaǵa ǵylym men shyǵarmashylyq ziialy qaýym ókilderi, qalanyń qurmetti turǵyndary, ardagerler keńesiniń, qoǵamdyq birlestikterdiń, jastar men balalar uiymdarynyń músheleri shaqyryldy.
Kontsert aldynda kórermenderge Elbasynyń memleketti qalyptastyrý men nyǵaitýdaǵy erekshe róline arnalǵan rolik kórsetildi.
Kontsertte Roza Rymbaeva, Álisher Kárimov, MýzArt, Keshiý toby jáne basqa da qazaqstandyq ártister óner kórsetti.
N. Nazarbaev jazǵan ánder, sondai-aq Tuńǵysh Prezidenttiń ómiri men qyzmetine arnalǵan shyǵarmalar oryndaldy.
«Biylǵy jyl bizdiń memleketimiz úshin óte mańyzdy. Qazaqstan Táýelsizdiginiń 30 jyldyǵy – bárimiz úshin tarihi kún. Osy jyldar ishinde bizdiń memleketimiz ben halqymyz aitarlyqtai biikterge jetti. Qysqa merzim ishinde bizdiń elimiz álemdik arenaǵa shyqty. Elbasy N. Nazarbaevtyń basshylyǵymen biz eń basty mindetterdi sheshtik – Qazaqstannyń shekarasyn belgiledik, iadrolyq qarýdan bas tarttyq, ekonomikanyń qalyptasýy ótti. Ulttyq qor qurylyp, ulttyq valiýta qabyldandy. Osy jyldar ishinde bizdiń memleketimiz álemdik qoǵamdastyqta teń quqyly áriptes retinde ornyqty», - deidi qalalyq ardagerler keńesiniń tóraǵasy Aqan Bijanov.
Óz kezeginde Qazaqstannyń Halyq ártisi Roza Rymbaeva Táýelsizdiktiń basty qundylyqtaryn tilge tiek etti.
«Memleket úshin 30 jyl az da, kóp te emes. Osy ýaqyt ishinde biz ósip, jetildik, memleketimizdiń damý baǵytyn anyqtadyq. Jyl saiyn bizdiń elimiz óz pozitsiiasyn nyǵaityp, damýshy elder tobyna kirýde. Halqymyzdyń ortaq kúsh-jigeriniń arqasynda bizdiń qoǵamymyzdaǵy beibit aspan, igilik, dostyq árdaiym Elbasy N. Nazarbaevtyń qamqorlyǵynda. Barsha qazaqstandyqtardy Tuńǵysh Prezident kúnimen quttyqtaimyn!», - dedi Roza Rymbaeva.
«Jigitter» tobynyń múshesi Aidar Turǵambek Elbasynyń Qazaqstannyń damýyndaǵy rólin atap ótti.
«Barsha almatylyqtardy Tuńǵysh Prezident kúnimen shyn júrekten quttyqtaimyz! Nursultan Nazarbaev elimiz úshin kóp jumys istedi. Elbasynyń qasietti Túrkistan qalasyna rýhani astana mártebesin berý jónindegi bastamasy men úshin erekshe oryn alady. Men ózim Túrkistan oblysynan keldim, Táýelsizdiktiń 30 jyly ishinde bul ólkede kóp nárse ózgerdi jáne Elbasynyń jeke qatysýynyń arqasynda kórkeie tústi», - dedi Aidar Turǵambek.
