Almatyda QR ekologiia, geologiia jáne tabiǵi resýrstar ministrligi Ekologiialyq retteý jáne baqylaý komiteti tóraǵasy Zýlfýhar Joldasov ekobelsendilermen jáne Almaty qalasynyń uiymdarymen birge megopolistiń ekologiialyq problemalaryn keshendi sheshý boiynsha Jol kartasyn iske asyrýdy talqylady, dep habarlaidy "Ult aqparat".
Sharaǵa QR Ulttyq ekonomika, Indýstriia jáne infraqurylymdyq damý, Energetika ministrligi men Almaty qalasy ákimdiginiń ókilderi qatysty.
QR ekologiia, geologiia jáne tabiǵi resýrstar ministrligi Ekologiialyq retteý jáne baqylaý komiteti tóraǵasy Zýlfýhar Joldasov Almaty eń las qalalardyń qatarynda ekenin atap ótti.
«Almaty birneshe jyl boiy eldegi eń las qalalardyń tiziminde tur. Oǵan jylý kózderinen shyǵatyn qaldyqtar jáne joldaǵy kólikterdiń keptelisi sebep boldy. 2019 jylǵy esep boiynsha atmosferaǵa 114 myń lastaityn zat bólingen, onyń 34 paiyzy jylý kózderinen, 52 paiyzy kólikten jáne 14 paiyzy jeke sektordan shyqqan. JEO-3 jáne JEO-2-ni gazǵa almastyrý kerek», - dedi ol.
Aldaǵy jyldary JEO-2 gazǵa aýystyrý josparlanyp otyr. Alǵashqy gaz qazandyqtary 2023 jyly iske qosylady. Joba quny 98 mlrd teńge.
Búgingi kúni «Samuryq-Energo «AQ» Almaty JEO-2 modernizatsiiasy» jobasynyń tehnikalyq-ekonomikalyq negizdemesin ázirleýde. Jylý elektr ortalyǵyn gazǵa aýystyrý shyǵaryndylardy 83% tómendetýge múmkindik beredi. Sondai-aq kúkirt dioksidi siiaqty ýly zattar múldem joǵalady.
«Qazirgi ýaqytta Qasym-Jomart Toqaevtyń tapsyrmasy boiynsha ministrlik ákimdiktermen jáne múddeli memlekettik organdarmen birlesip, tiisti sharalardy eskere otyryp, Nur-Sultan jáne Almaty qalalarynda ekologiialyq problemalardy keshendi sheshý boiynsha Jol kartasyn ázirleý ústinde», - dep túsindirdi spiker.
