Almatyda qalanyń ortasynda eki qyzdy soqqyǵa jyqqan er adam ustaldy, dep habarlaidy "Ult aqparat".
Oqys oqiǵa 25 shildede Abylai han kóshesinde bolǵan. Bul týraly aqparat Instagram-daǵy SVET qoǵamdyq qorynyń paraqshasynda jariialandy.
Qyzdar kólikteriniń janarmaiy taýsylǵan soń Qazybek bi kóshesinde toqtaýǵa májbúr bolǵan.
Dostarynan kómek kútip otyrǵan boijetkenderge mas adam kelip tiise bastaǵan. Mazalaryn almaýyn ótingen qyzdardyń bireýin ol shashynan ustap kóliktiń kapotyna soqqan.
Ekinshi qyzdyń jaǵynan bir uryp, jerge qulatqan. Qyzdar kólikke kirip esikti ishten jaýyp alǵan kezde buzyp kirmek bolǵan.
Asha almaǵan soń er adam kóligine otyryp ketip qalǵan.
Miy shaiqalyp, soqqy alǵan qyz aýrýhanaǵa jetkizildi.
Qalalyq PD bul derek boiynsha Almaly aýdandyq PB QR QK 293-baby 2-bólimimen qylmystyq is qozǵady.
Qazir politsiia 32 jastaǵy er adamdy ustady. Tergeý isi qalalyq PD basshylyǵynyń baqylaýyna alynbaq.
