Almaty qalasynyń qylmystyq ister jónindegi mamandandyrylǵan aýdanaralyq sotynda 2004 jáne 2007 jyly týǵan eki balany zorlaǵan er adamǵa qatysty qylmystyq is qaraldy, dep habarlaidy "Ult aqparat".
"Sottyń úkimimen azamat K. kináli dep tanylyp, 20 jylǵa bas bostandyǵynan aiyryldy. Ol jazasyn qatań rejimdegi túzeý mekemelerinde óteidi. Sonymen qatar kámeletke tolmaǵan balalarmen jumys isteýge jáne pedagogikalyq qyzmet atqarýǵa ómir boiyna tyiym salyndy. Sottalýshyǵa himiialyq kastratsiia jasaýǵa úkim shyqty", - dep habarlady Almaty qalasynyń qylmystyq ister jónindegi mamandandyrylǵan aýdanaralyq soty.
Almaty qalalyq sotynyń qylmystyq ister jónindegi sot alqasy sottyń úkimin qoldady. Úkim zańdy kúshine endi.
