Ekologiia ministrligi Almatyda janarmai stansalaryn baqylaýdy kúsheitip, dizel avtobýstaryn shekteýdi usyndy, dep habarlaidy "Ult aqparat".
Bul týraly onlain jiyn barysynda QR Ekologiia, geologiia, tabiǵi resýrstar ministrliginiń Ekologiialyq retteý jáne baqylaý komitetiniń tóraǵasy Zulpyhar Joldasov aitty.
«Qoǵamdyq kólikterdi metan gazyna kóshirý jumystaryn jalǵastyrý kerek. Biyl 500 avtobýs bolsa, 2023 jyly bul kórsetkish 2000-ǵa jetýi tiis. Sonymen qatar, dizel otynymen júretin avtobýstardy satyp alýdy zań boiynsha shekteý kerek. Janarmai quiý stansalarynda 4 jáne 5 ekologiialyq klasqa jatatyn janarmai ǵana satylýyn qadaǵalaý kerek», - dedi Zulpyhar Joldasov.
Qalanyń ekologiiamen bailanysty máselelerin sheshýge baǵyttalǵan Jol kartasyn ázirleýge bailanysty ekologiialyq belsendiler bas qosqan.
Spiker osy maqsatta avtokólikterdi tehnikalyq baqylaýdan ótkizetin ortalyqtardyń jaýapkershiligin arttyrýdy usyndy.
«Máselen Eýropa elderinde ekologiialyq talaptarǵa sai kelmeitin avtkólikterdiń júrýine ruqsat bergeni úshin tehnikalyq baqylaý ortalyqtary jaýapty bolady. Bizde tehnikalyq ortalyqtardyń jaýapkershiligi tiimdi qarastyrylmaǵan. Olardyń jumysyna baqylaý joq», - dedi Zulpyhar Joldasov.
