Almaty politsiiasy alypsatarlardan taǵy bir partiia dári tárkiledi, – dep habarlaidy QazAqparat.
Politsiia departamentiniń baspasóz qyzmeti habarlaǵandai, bul joly alypsatar áiel Almaty qalasynyń Túrksib aýdanynda ustaldy.
Ol áielden «Groprinosinniń» 100 paketi, balalarǵa arnalǵan «Anaferonnyń» 105 paketi, eresekterge arnalǵan 62 paket «Anaferon», sondai-aq ol qymbat baǵamen satýdy josparlaǵan 7 «Ingavirin» tabyldy.
Ustalǵan áiel bul saýdadana shamamen 1 million teńge tabys tabady.
Qazir dári-dármektiń barlyǵy tárkilendi. Almaty qalalyq politsiia departamenti kúdiktiniń is-áreketine qatysty zańǵa sáikes quqyqtyq baǵa berip, jaýapkershilikke tartpaq. Keshe «Ingavirin», «Tamiflý» jáne «Paratsetamol» dárilerin qymbatqa satpaq bolǵan eki adam ustalǵanyn jazǵan bolatynbyz.
Eske salaiyq, QR Prezidenti Q.K. Toqaevtyń tapsyrmasy boiynsha Ishki ister ministrligi elimizde reid ótkizilip jatyr. Tekserýdiń maqsaty – karantin ýaqytynda qajetti dári-dármekterdiń jetispeýshiligin paidalanyp, joǵary suranysqa ie bolǵan respiratorlyq virýstyq aýrýlardy emdeýge arnalǵan dári-dármekterdi joǵary baǵamen satqan dárihana qyzmetkerleri men azamattardy anyqtaý.
