الماتى پوليتسيياسى الىپساتارلاردان تاعى بٸر پارتييا دەرٸ تەركٸلەدٸ, – دەپ حابارلايدى قازاقپارات.
پوليتسييا دەپارتامەنتٸنٸڭ باسپاسٶز قىزمەتٸ حابارلاعانداي, بۇل جولى الىپساتار ەيەل الماتى قالاسىنىڭ تٷركسٸب اۋدانىندا ۇستالدى.
ول ەيەلدەن «گروپرينوسيننٸڭ» 100 پاكەتٸ, بالالارعا ارنالعان «انافەروننىڭ» 105 پاكەتٸ, ەرەسەكتەرگە ارنالعان 62 پاكەت «انافەرون», سونداي-اق ول قىمبات باعامەن ساتۋدى جوسپارلاعان 7 «ينگاۆيرين» تابىلدى.
ۇستالعان ەيەل بۇل ساۋدادانا شامامەن 1 ميلليون تەڭگە تابىس تابادى.
قازٸر دەرٸ-دەرمەكتٸڭ بارلىعى تەركٸلەندٸ. الماتى قالالىق پوليتسييا دەپارتامەنتٸ كٷدٸكتٸنٸڭ ٸس-ەرەكەتٸنە قاتىستى زاڭعا سەيكەس قۇقىقتىق باعا بەرٸپ, جاۋاپكەرشٸلٸككە تارتپاق. كەشە «ينگاۆيرين», «تاميفلۋ» جەنە «پاراتسەتامول» دەرٸلەرٸن قىمباتقا ساتپاق بولعان ەكٸ ادام ۇستالعانىن جازعان بولاتىنبىز.
ەسكە سالايىق, قر پرەزيدەنتٸ ق.ك. توقاەۆتىڭ تاپسىرماسى بويىنشا ٸشكٸ ٸستەر مينيسترلٸگٸ ەلٸمٸزدە رەيد ٶتكٸزٸلٸپ جاتىر. تەكسەرۋدٸڭ ماقساتى – كارانتين ۋاقىتىندا قاجەتتٸ دەرٸ-دەرمەكتەردٸڭ جەتٸسپەۋشٸلٸگٸن پايدالانىپ, جوعارى سۇرانىسقا يە بولعان رەسپيراتورلىق ۆيرۋستىق اۋرۋلاردى ەمدەۋگە ارنالعان دەرٸ-دەرمەكتەردٸ جوعارى باعامەن ساتقان دەرٸحانا قىزمەتكەرلەرٸ مەن ازاماتتاردى انىقتاۋ.
